Дурмиши: Бадентер не е ничија сопственост, Филков се стреми кон политички поени

Бадентер не е ничија сопственост, додека министерот за правда Игор Филков се стреми кон политички поени пред изборите. Вака министерот за економија и труд, Бесар Дурмиши, ја коментира изјавата на министерот на ЗНАМ за преиспитувањето на Бадентер, во интервју за VOXAL.

Дурмиши нагласува дека Бадентер е еден од столбовите на Охридскиот договор и гарантира еднаквост на сите заедници.

„Не знам каква беше намерата и која беше причината што министерот зборуваше за преиспитување на Бадентер. Мислам дека го кажа тоа за политички поени, за дневна политика, мисли дека ќе покрене некое големо прашање пред изборите. Но, едно нешто што треба јасно да го знае е дека Бадентеровиот принцип е уставна категорија и еден од главните столбови на Охридскиот договор, кој го гарантираше соживотот на граѓаните и сите етникуми во Северна Македонија. Бадентер не е нечија сопственост, тој ја гарантира еднаквоста на сите заедници во земјата“, изјави министерот Дурмиши за VOXAL.

Тој рече дека овие изјави ги користи ДУИ, иако оваа партија го користела Бадентер за да гласа за проекти како „Скопје 2014“, кога била на врвот на својата изборна моќ.

„Да не заборавиме дека оние кои веднаш го искористија и создадоа возбуда во медиумите, кои имаат проблем со својот политички идентитет, кои го експлоатирале Бадентер за политички маркетинг пред неколку години, кога добиле 153 илјади гласови правејќи политички маркетинг и експлоатирајќи го Бадентер. А потоа, гласајќи, добро знаете, за „Скопје 2014“, отишле дотаму што се обиделе дури и лавови да направат албански симболи, доведувајќи историчари од Драч да се залагаат за нив“, нагласи Дурмиши.

Во интервјуто за VOXAL, кое ќе биде објавено во целост во сабота, Дурмиши зборува и за мерките на Министерството за економија, политичката ситуација во земјата и локалните избори во октомври. /VOXAL/