“Louvre”, 4 arrestime të reja/ Ende asnjë shenjë nga bizhuteritë e grabitura

Autoritetet franceze arrestuan sot katër persona të tjerë për grabitjen spektakolare të bizhuterive nga muzeu i Luvrit muajin e kaluar.

Të arrestuarit janë dy burra të moshës 38 dhe 39 vjeç, dhe dy gra të moshës 31 dhe 40 vjeç, të gjithë nga rajoni i Parisit.

Sipas mediave franceze, midis tyre mendohet të jetë anëtari i fundit i bandës me katër persona që dyshohet se kreu grabitjen gjatë ditës.

Të arrestuarit u bashkohen katër të dyshuarve të tjerë të ndaluar në fund të tetorit, të cilët do të merren në pyetje nga hetuesit, tha prokuroria e Parisit, e cila ende nuk ka publikuar detaje të mëtejshme rreth akuzave të mundshme.

Muajin e kaluar, një bandë prej katër personash bastisi Luvrin, muzeun e artit më të vizituar në botë, në mes të ditës, duke ku grabiti për vetëm 7 minuta bizhuteri me vlerë rreth 102 milionë dollarë përpara se të arratiseshin me skuterë.

Grabitja gjatë ditës ngriti dyshime mbi besueshmërinë e muzeut më të vizituar në botë për sigurinë e veprave të tij të panumërta.