Bekim Sali: Integrimi në BE, prioritet kryesor
Kryetari i Alternativës, Bekim Sali, mori pjesë sot në fjalimin vjetor të presidentes së shtetit, Gordana Siljanovska-Davkova, duke theksuar sfidat dhe mundësitë që qëndrojnë përpara vendit tonë.
Ai nënvizoi rëndësinë e procesit të integrimit në Bashkimin Evropian, duke shtuar:
“Integrimi i vendit në Bashkimin Evropian ngel ende sfida kryesore e vendit tonë. Me përkrahjen e miqve tanë ndërkombëtarë edhe me ndikimin e presidentes, shpresoj se do t’i përafrojmë qëndrimet me Bullgarinë.”
Sali theksoi gjithashtu se një Maqedoni e Veriut e integruar në BE do të sillte përfitime jo vetëm për vendin, por edhe për rajonin
Ky mesazh vjen në një periudhë kur vendi përballet me presione ekonomike globale dhe sfida diplomatike, duke nxjerrë në pah nevojën për koordinim institucional dhe përpjekje të përbashkëta për avancimin e reformave dhe integrimit evropian.
