Rroga ballkanike, çmime evropiane: Shqipëria me çmimet më të larta në rajon

Paguhen më pak në Evropë me rroga rreth 41 për qind të mesatares evropiane, por qytetarët shqiptarë i blejnë produktet me çmime gati sa në Evropë.

Pagat e qytetarëve të Shqipërisë arrijnë vetëm 41% të mesatares evropiane, por çmimet po ngjiten gati në nivelin evropian, duke arritur më shumë se 70% të mesatares evropiane.

Kështu Shqipëria është vendi me çmimet më të larta në rajon, duke lënë pas Serbinë dhe vendet e tjera, njofton VOXAL.

Maqedonia e Veriut rezulton me çmimet më të lira në krahasim me vendet e rajonit, duke arritur nivelin e 54,8% të çmimeve mesatare në BE, sipas agjencisë evropiane të statistikës, Eurostat.

Çmimet krahasuar me mesataren në BE

Shqipëri                              70,2%

Serbi                                    67,4%

Mali i Zi                               63,4%

BeH                                      63,4%

Maqedoni e Veriut           54,8%