Vuçiqi tenton të nxirret me Maqedoninë: Pse atje nuk pati trazira pas Koçanit?
Presidenti i Serbisë, Aleksandar Vuçiq, pas natës së demonstratave masive në dhjetëra qytete të Serbisë, njoftoi se në dhjetë ditët e ardhshme do të ketë arrestime. Në fjalimin e tij në Pallatin e Serbisë, ai e përmendi Maqedoninë si shembull në kontekstin e shpjegimit pse nuk duhet të ketë trazira në Serbi.
“Është pak e çuditshme që nuk pati kërkesë për drejtësi kur 16 persona humbën jetën në zjarre të ndryshme në Novi Sad, dhe kjo për faj të udhëheqësve lokalë. Pse nuk e dëgjuam këtë kur ndodhi në Maqedoninë e Veriut? Pse e dëgjuam këtë në Serbi? Sepse u përdor si municion në betejën kundër një shteti të pavarur dhe të lirë. E dëgjuam nga fëmijët tanë, nga nxënësit tanë… Edhe pse nuk jemi plotësisht të sigurt se çfarë ka ndodhur saktësisht, drejtësia duhet të gjendet për këto 16 viktima,” tha Vuçiq.
Presidenti shtoi se autoritetet e kuptuan se protestuesit nuk e kishin ndërmend drejtësinë pasi filluan të sulmonin babain e njërit prej viktimave në Novi Sad.
Vuçiq, po ashtu, theksoi se fëmijët serbë “mësojnë shumë më pak dhe dinë shumë më pak” dhe kritikoi prindërit të cilët, sipas tij, po e sakrifikojnë arsimimin e fëmijëve të tyre.
