Rekord në numrin e thirrjeve emergjente në 112 – 4199 thirrje brenda një dite
Sistemi për thirrje emergjente 112 më 9 korrik 2025 (e mërkurë) ka regjistruar numrin më të lartë të thirrjeve të pranuara ndonjëherë – gjithsej 4199 thirrje brenda 24 orëve, njoftojnë institucionet kompetente.
Nga ky total, 711 thirrje janë vlerësuar si urgjente, me ç’rast janë aktivizuar një sërë shërbimesh intervenuese. Sipas analizës së detajuar, shumica e intervenimeve kanë pasur të bëjnë me zjarre, raste policore dhe ndihmë mjekësore urgjente.
Shpërndarja e shërbimeve të aktivizuara:
- Shërbimi zjarrfikës: 297 thirrje (41.77%)
- Policia: 286 thirrje (40.23%)
- Ndihma mjekësore urgjente: 72 thirrje (10.13%)
- Qendra për Menaxhim me Kriza (QMK): 54 thirrje (7.59%)
- Lidhja Auto-Moto e Maqedonisë (LAMM): 2 thirrje (0.28%)
Këto shifra pasqyrojnë aktivitetin e shtuar të sistemit, veçanërisht në periudha kur shfaqen shpesh fatkeqësi natyrore, zjarre, aksidente trafiku dhe situata të tjera krizash.
Autoritetet apelojnë që qytetarët ta përdorin E-112 vetëm për raste vërtet urgjente, në mënyrë që të sigurohet reagim i shpejtë dhe efikas nga shërbimet emergjente.
Sistemi E-112 është një platformë e centralizuar që mundëson veprim të koordinuar të të gjitha shërbimeve emergjente në vend dhe është në dispozicion 24/7, falas, nga çdo telefon.
