Qarkullimi hapet në rrugën Breznicë e Re -Makedonski Brod përmes PN Jasen

Që nga mëngjesi i sotëm në orën 05:00, rruga rajonale R-1106 Nova Breznica – Makedonski Brod përmes Parkut Nacional Jasen, e cila ishte e mbyllur për disa ditë për shkak të një zjarri, është rihapur për qarkullim. Rekomandohet vozitje e kujdesshme, respektim i sinjalistikës dhe përshtatje e shpejtësisë për shkak të rrëshqitjeve të mundshme të dheut në rrugë.

Komunikacioni në rrugët e vendit po zhvillohet pa ndërprerje, nëpër rrugë të thata. Intensiteti i komunikacionit në akset rrugore jashtë mjediseve urbane është rritur për shkak të pushimeve verore, megjithatë në vendkalimet kufitare nga ana e Maqedonisë nuk ka vonesa të gjata për hyrje dhe dalje nga vendi.

LAMM rekomandon shpejtësi të adaptuar të lëvizjes, respektimin e sinjaleve të vendosura të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore dhe lugina të lumenjve ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.

Deri më 31 gusht, në rrugët shtetërore në Maqedoni vlen regjimi i përkohshëm veror i trafikut, i cili ndalon lëvizjen e automjeteve të rënda transportuese me një masë totale mbi 15 ton, gjatë fundjavave dhe në ditët me temperatura jashtëzakonisht të larta.