Përfundoi fushata, heshtje zgjedhore para raundit të dytë
Ka përfunduar fushata zgjedhore për raundin e dytë të Zgjedhjeve Lokale 2025, dhe në mesnatë ka nisur periudha e heshtjes zgjedhore para votimit që do të zhvillohet të dielën, më 2 nëntor. Në këtë raund do të votohet për kryetarë komunash në 32 komuna dhe në Qytetin e Shkupit, por heshtja zgjedhore vlen për të gjithë territorin e vendit.
Rregullat për heshtjen zgjedhore janë në fuqi nga 1 nëntori deri më 2 nëntor në orën 19:00. Gjatë kësaj kohe, mediat mund të raportojnë për procesin zgjedhor, por ndalohet çdo formë e paraqitjes mediatike të pjesëmarrësve në fushatë.
