Antikorrupsioni do të ndjekë shkeljet zgjedhore edhe nëse nuk emërohet kryetar i ri

Komisioni Shtetëror për Parandalimin e Korrupsionit (KShPK) ende nuk ka marrë nga Kuvendi kërkesën për të dhënë mendim nëse duhet të vazhdojë apo të pezullohet procesi i zgjedhjes së kryetarit të ri, pas shpalljes së zgjedhjeve lokale. Nga ky institucion thonë se do të shprehen vetëm pasi të marrin kërkesën zyrtare, informon PressOnline.al

Nga Kuvendi theksuan se kërkesa do të dërgohet sot ose nesër. Paralelisht, KShPK publikoi një njoftim ku thekson se nuk ka kompetencë për të dhënë mendime të tilla për veprimet e organeve shtetërore dhe lokale gjatë procesit zgjedhor, por do të ndjekë nga afër zgjedhjet dhe çdo shkelje të ligjit do ta trajtojë.

Aktualisht, një vend në komision është bosh pas dorëheqjes së ish-kryetares Tatjana Dimitrovska, e akuzuar për zbulim të sekretit zyrtar dhe falsifikim kompjuterik. Nëse dhe si do të vazhdojë procedura e zgjedhjes së kryetarit të ri, pritet të vendoset pas qëndrimit zyrtar të KShPK-së.