SHBA-ja tërhiqet nga UNESCO pasi u pranua Palestina
Presidenti Donald Trump po tërheq Shtetet e Bashkuara nga Organizata e Kombeve të Bashkuara për Arsim, Shkencë dhe Kulturë (UNESCO), konfirmoi një zyrtar i Shtëpisë së Bardhë për CNN.
Ky vendim vjen ndërsa presidenti amerikan vazhdon të shkëpusë vendin nga institucionet ndërkombëtare.
“Presidenti Trump ka vendosur ta tërheqë Shtetet e Bashkuara nga UNESCO — e cila mbështet kauza kulturore dhe sociale të ‘woke’-uara, përçarëse, që janë krejtësisht jashtë hapit me politikat e thjeshta e të arsyeshme për të cilat votuan amerikanët në nëntor,” tha zëdhënësja e Shtëpisë së Bardhë, Anna Kelly.
Në një deklaratë të veçantë, zëdhënësja e Departamentit të Shtetit, Tammy Bruce, shtoi se pjesëmarrja e vazhdueshme e SHBA-së në UNESCO “nuk është në interesin kombëtar.” Tërheqja do të hyjë në fuqi më 31 dhjetor 2026.
“Pranimi i ‘Shtetit të Palestinës’ si shtet anëtar i UNESCO-s është jashtëzakonisht problematik, në kundërshtim me politikën e SHBA-së, dhe ka ndikuar në shtimin e retorikës anti-Izrael brenda organizatës,” shtoi ajo.
UNESCO është gjerësisht e njohur për emërtimin e Siteve të Trashëgimisë Botërore, përfshirë Grand Canyon National Park në SHBA.
