Dogana sekuestroi 5,600 maska të falsifikuara “Apple” (FOTO)
Dogana e Maqedonisë së Veriut ka sekuestruar 5,600 maska të falsifikuara “Apple”. Sipas njoftimit të Doganës, kompania nga Shkupi ka tentuar të bëjë mashtrim, pasi ka mbuluar logot e maskave me ngjitës të plastifikuar, që shërben si aksesor shtesë në telefon.
“Një ekip mobil doganor ka sekuestruar mbi 5,600 copë maska të falsifikuara për telefona “Apple”, të cilat një importues nga Shkupi kishte tentuar t’i fshehë duke i mbuluar logot me ngjitëse të plastifikuara. Pas fillimit të procedurës për shkelje të të drejtës së pronësisë intelektuale, është konstatuar se bëhet fjalë për mallra të falsifikuara që ishin destinuar për shitje në vend si produkte origjinale. Vlera totale e vlerësuar e mallit, nëse do të shitej si origjinal, është 5.6 milionë denarë”, thonë nga Drejtoria e Doganave.
