27 cm borë në “Kodrën e Diellit”
Mëngjesi i sotëm ka qenë më ftohtë në Kodrën e Diellit me -4 gradë Celsius, ndërsa në Krushevë, Mavrovë dhe Lazaropolë temperatura ka zbritur deri në 0 gradë. Temperaturat më të larta prej 7 gradësh janë regjistruar në Shkup (Petrovec dhe Zajçev Rid), Kumanovë, Veles, Kavadar, Demir Kapi, Strumicë dhe Gjevgjeli. Sa u përket reshjeve, gjatë 24 orëve të fundit rekordet u shënuan në Demir Kapi me 28 litra për metër katror, ndërsa sasia më e ulët u regjistrua në Vinicë dhe Lazaropolë me nga 3 litra. Ndërkohë, trashësia e borës në Kodrën e Diellit ka arritur në 77 centimetra.
Për sa i përket ditës së sotme, moti do të jetë me vranësira të ndryshueshme dhe reshje të lokalizuara shiu, shoqëruar me një erë të lehtë deri mesatare, e cila përgjatë Vardarit do të jetë herë pas here më e vrullshme nga drejtimi verior. Temperaturat maksimale do të luhaten mes 10 dhe 16 gradë Celsius. Në Shkup pritet situatë e ngjashme me vranësira dhe reshje të dobëta, ku termometri do të ngjitet deri në 14 gradë. Megjithatë, fundjava sjell ndryshime; nga e diela e deri në mesin e javës së ardhshme pritet dominim i diellit dhe një rritje e ndjeshme e temperaturave.
