Rekord i ri: Nafta në Shqipëri kalon 2 euro për litër!
Çmimi i naftës në Shqipëri ka shënuar një rekord të ri, duke arritur në 202 lekë për litër, që për herë të parë e kalon pragun simbolik prej 2 eurove, raporton VOXAL.
Këtë e konfirmojnë fotot e dërguara në adresë të rekadsisë që tregojnë situatën momentale.
Siç shihet edhe në tabelën e çmimeve në një pikë karburanti, Diesel Dynamic shitet me 202 lekë për litër (rreth 2.02 euro), ndërsa Diesel-i standard është 198 lekë për litër (rreth 1.98 euro). Ndërkohë, benzina 95 oktan kushton 198 lekë për litër (rreth 1.98 euro), ndërsa gazi LPG shitet me 62 lekë për litër (rreth 0.62 euro).
Rritja e fundit e çmimeve pritet të reflektohet drejtpërdrejt në koston e transportit, por edhe në çmimet e shumë produkteve dhe shërbimeve të tjera, pasi karburanti mbetet një nga faktorët kryesorë që ndikon në zinxhirin e furnizimit.
Ekspertët e tregut të energjisë paralajmërojnë se nëse luhatjet në tregjet ndërkombëtare të naftës vazhdojnë, çmimet mund të rriten edhe më tej në ditët në vijim.VOXAL
