Më 19 nëntor fillon gjykimi për tragjedinë në diskotekën “Pulse” në Koçan
Gjykimi për tragjedinë në diskotekën “Pulse” të Koçanit do të fillojë më 19 nëntor, në të cilën humbën jetën 63 persona dhe u lënduan mbi 200 të rinj.
“Seanca kryesore për çështjen penale me K.br. 1872/25 lidhur me aksidentin në diskotekën “Pulse” në Koçan është caktuar për 19 nëntor 2025, duke filluar në orën 09:30, në sallën e gjyqit në Shtëpinë Korrektuese të Idrizovës”, njoftojnë nga Gjykata Penale.
Siç është raportuar më parë nga gjykata, aktakuza, fillimisht e ngritur nga Prokuroria Publike e Koçanit dhe më pas me vendim të Prokurorit Publik të Republikës së Maqedonisë, e caktuar në juridiksionin e Prokurorisë Publike të Shkupit, u miratua në tërësi, dhe në përputhje me sistemin AKMIS, iu caktua për procedurë të mëtejshme gjyqtares Diana Gruevska Ilievska.
“Për shkak të interesit të mediave dhe organizatave joqeveritare që ndjekin punën e gjykatës, por edhe për hir të raportimit transparent ndaj publikut në lidhje me rastin konkret, informojmë se përveç gjyqtarëve që janë të përjashtuar nga procedurat para vlerësimit të aktakuzës, përveç kësaj, gjyqtaret Tamara Vitlarova – Smilevska dhe Ilina Smichkovska – Ilievska u përjashtuan nga procedurat në këtë rast për shkak të përmbushjes së dispozitave ligjore, pra njohjes personale me disa nga palët e dëmtuara.
Gjyqtari Ahmed Idrizi do të veprojë si anëtari i dytë i këshillit gjyqësor, i cili do të veprojë për rastin, në përputhje me ndryshimet në orarin vjetor për veprimet e gjyqtarëve“, njoftojnë nga Gjykata.
